Framboð Bitcoin - síðasta milljónin
Eftir því sem nýtt framboð hægir á sér minnkar flæði Bitcoin inn á markaðinn
Í mars 2026 náði Bitcoin mikilvægum áfanga en þá höfðu 20 milljón slíkar rafmyntir verið búnar til. Þetta markar tímamót, enda nemur fast heildarframboð Bitcoin, fjöldi mynta sem hægt er að grafa eftir, 21. milljón. Það eru því aðeins milljón Bitcoin sem eftir er að búa til. Tímalínan í þessu samhengi er einkum áhugaverð: á fyrstu 17 árum myntarinnar voru 20 milljón Bitcoin búin til en síðasta milljónin mun taka 114 ár.
Ný Bitcoin koma í umferð samkvæmt skilgreindu ferli sem tengist rekstri bálkakeðjunnar. Nýjar blokkir verða til á um það bil tíu mínútna fresti og fyrir hverja blokk fá þeir verðlaun í formi nýrra mynta. Við þetta hlutfall bætast um 450 Bitcoin við á dag.
Þetta hlutfall er ekki fast. Á um það bil fjögurra ára fresti á sér stað “helmingun” þar sem magn nýrra mynta sem koma í umferð lækkar um helming. Þetta kerfi hefur verið í gildi frá upphafi og skýrir hvers vegna stærsti hluti bitcoin kom fram á fyrstu árum netsins. Með hverri helmingun minnkar flæði nýrra mynta og útgáfan hægir smám saman á sér.
Þetta ferli kann að vera skýrara ef lengra tímabil er tekið sem dæmi. Á fjórða áratugi þessarar aldar er gert ráð fyrir að minna en þrjátíu bitcoin komi í umferð á dag. Á þeim sjötta fer sú tala niður fyrir tvö bitcoin á dag. Restin af framboðinu dreifist því í sífellt minni skömmtum yfir næstu áratugi.
Ekki allt Bitcoin sem hefur komið í umferð er aðgengilegt á markaði. Talið er að á bilinu 2,8 til 3,8 milljón Bitcoin hafi glatast varanlega vegna tapaðra lykla eða óaðgengilegra veskja. Þó að heildarframboðið sé fast við 21 milljón er raunverulegt framboð í umferð því lægra.
Framboðsferillinn er fyrirfram ákveðinn. Hraðinn sem ný Bitcoin koma inn í umferð breytist ekki með markaðsaðstæðum. Nýtt framboð heldur áfram að minnka á sama tíma og stærstur hluti heildarframboðsins er þegar kominn í umferð.