Rafmyntagreiðslur í daglegum viðskiptum

Yngri kynslóðir knýja áfram upptöku rafmyntagreiðslna

Ný könnun frá PayPal sýnir að rafmyntagreiðslur eru í auknum mæli að verða hluti af daglegum viðskiptum fyrirtækja. Tæplega 40% bandarískra kaupmanna segjast nú bjóða upp á möguleikann á rafmyntagreiðslum, oft í gegnum milliliði eins og PayPal sem umbreyta rafmyntum yfir í hefðbundinn gjaldmiðil án þess að seljandinn haldi sjálfur á rafmyntum.

Þróunin gæti að hluta endurspeglað breytt viðhorf til rafmynta, þó ber að hafa í huga að mörg fyrirtæki nýta greiðslugáttir sem umbreyta greiðslunni í hefðbunda gjaldmiðla samstundis. Í raun fara margar slíkar greiðslur fram yfir bálkakeðjur í bakgrunni, sem rafmyntir keyra ofan á, án þess að hvorki kaupandi né seljandi geri sér grein fyrir því.

Upptakan virðist mest meðal stærri fyrirtækja og netverslana sem starfa á alþjóðamörkuðum. Þar geta hefðbundin greiðslukerfi verið bæði hægfara og kostnaðarsöm, sérstaklega þegar flytja þarf fjármagn yfir landamæri. Rafmyntagreiðslur bjóða upp á einfaldari og skilvirkari leið til alþjóðaviðskipta.

Stór fyrirtæki á borð við Starbucks ásamt fjölda annarra alþjóðlegra smásala taka nú við rafmyntagreiðslum við afgreiðslu, sem endurspeglar vaxandi notkun stafrænnar eigna í daglegum viðskiptum.

Við fjölluðum áður um þessa þróun í eldri grein um hlutverk rafmynta í alþjóðaviðskiptum og bentum þar á hvernig rafmyntir geta stytt uppgjörstíma og aukið aðgengi fyrirtækja að viðskiptavinum þar sem hefðbundin bankakerfi eru síður skilvirk. Niðurstöður PayPal-könnunarinnar benda til þess að þessir kostir séu nú farnir að skila sér í breiðari upptöku meðal kaupmanna.

Þessi gögn sýna niðurstöður úr könnun sem gerð var af NCA og PayPal

Upptakan er að stórum hluta knúin áfram af yngri kynslóðum. Gögn sýna að áhugi á rafmyntagreiðslum er mun meiri meðal Millennials og Gen Z en hjá eldri aldurshópum. Fyrirtæki af ólíkri stærð greina jafnframt frá aukinni eftirspurn frá yngri viðskiptavinum, sem bendir til þess að breytt neysluhegðun spili lykilhlutverk í vaxandi notkun stafrænnar greiðslutækni.

Yngra fólk er líklegra til að nota rafmyntir sem greiðslumáta, enda er það engin tilviljun þar sem margir úr þeim hópi ólust upp með internetinu. Gögn samkvæmt könnun NCA og PayPal.

Á sama tíma hafa umbætur í greiðsluinnviðum gert rafmyntagreiðslur aðgengilegri í daglegum rekstri. Stöðugleikamyntir og samþættar greiðslulausnir hafa einfaldað uppgjör og gert notkun rafmynta hagnýtari fyrir fyrirtæki.

Eftir því sem greiðslukerfi þróast áfram er líklegt að rafmyntagreiðslur starfi í auknum mæli samhliða kortakerfum og bankamillifærslum sem hluti af fjölbreyttara greiðsluumhverfi.